cloudy

16°C

Ísafjörður

cloudy

16°C

Hornbjargsviti

Ferðaskilmálar

Sveigjanleiki

Hér að neðan getur þú lesið bókunarskilmálana okkar. Við hjá Borea reynum að vera eins sveigjanleg og hægt er þannig að þú getir bókað þína ferð með öryggi. Við gerum okkur grein fyrir því að aðstæður geta breyst og til að koma til móts við þig getum við t.d. fært ferðina þína á aðra dagsetningu án þess að þú þurfir að greiða fyrir það.

Lengri Ferðir Ferðaskilmálar

Við bókun á öllum lengri ferðum þarf að greiða 25% staðfestingargjald. Ferðina þarf síðan að greiða að fullu minnst 30 dögum fyrir brottför.

Afbókanir fyrir lengri ferðir og leiðangra
Allar afbókunarbeiðnir þarf að senda á Borea í tölvupósti eins fljótt og auðið er. Eftirfarandi afbókunargjöld gilda (reiknuð á mann), reiknuð frá þeim degi sem beiðnin berst:

75% af virði ferðar fæst endurgreitt ef afbókun berst 60 daga fyrir brottför.

50% af virði ferðar fæst endurgreitt ef afbókun berst 59-31 daga fyrir brottför

0% af virði ferðar fæst endurgreitt ef afbókun berst innan 30 daga fyrir brottför.

Dagsferðir og Áætlaðar Bátsferðir Ferðaskilmálar

Allar dagsferðir og áætlaðar bátsferðir eru greiddar að fullu við bókun.

Afbókanir fyrir dagsferðir og bátsferðir
Allar afbókunarbeiðnir þarf að senda á Borea í tölvupósti eins fljótt og auðið er. Eftirfarandi afbókunargjöld gilda (reiknuð á mann), reiknuð frá þeim degi sem beiðnin berst:

90% af virði ferðar fæst endurgreitt ef afbókun berst meira en viku (7 daga) fyrir brottför.

70% af virði ferðar fæst endurgreitt ef afbókun berst viku (7 daga) eða minna fyrir brottför.

Afbókanir sem berast innan tveggja daga (48klst) fyrir brottför fást ekki endurgreiddar.

Hópa afbókanir fyrir dagsferðir og bátsferðir

Ef þú ert í hóp (5 manns eða fleiri), lokar bókunin ykkar fyrir stóran hluta af því framboði af ferðum sem við bjóðum upp á. Því gilda eftirfarandi afbókunargjöld fyrir hópa (reiknuð á mann), reiknuð frá þeim degi sem beiðnin berst:

75% af virði ferðar fæst endurgreitt ef afbókun berst viku (7 daga) eða minna fyrir brottför.

50% af virði ferðar fæst endurgreitt ef afbókun berst viku (7 daga) eða minna fyrir brottför.

Afbókanir sem berast innan tveggja daga (48klst) fyrir brottför fást ekki endurgreiddar.

Ferðaskilmálar fyrir Sérferðir

Við bókun á öllum sérferðum þarf að greiða 25% staðfestingargjald. Ferðina þarf síðan að greiða að fullu minnst 30 dögum fyrir brottför.

Afbókanir fyrir sérferðir
Allar afbókunarbeiðnir þarf að senda á Borea í tölvupósti eins fljótt og auðið er. Eftirfarandi afbókunargjöld gilda (reiknuð á mann), reiknuð frá þeim degi sem beiðnin berst:

75% af virði ferðar fæst endurgreitt ef afbókun berst meira en mánuð (30 daga) fyrir brottför

50% af virði ferðar fæst endurgreitt ef afbókun berst tvær vikur (14 daga) eða minna fyrir brottför.

Afbókanir sem berast innan viku (7 daga) fyrir brottför fást ekki endurgreiddar.

Vinsamlegast athugið að það gætu verið aðrir afbókunarskilmálar hjá þjónustu þriðja aðila sem við gætum hafa bókað fyrir þig (hótel, veitingastaðir, rútur og fl.)

Annað

Lágmarksfjöldi farþega
Borea áskilur sér þann rétt að aflýsa ferð ef bókanir hafa ekki náð þeim lágmarksfjölda farþega sem þarf til að framkvæma ferðina. Haft verður samband við þá gesti sem þegar hafa bókað í ferðina eins fljótt og auðið er og þeir fá fulla endurgreiðslu.

Ferðatrygging
Við ráðleggjum öllum okkar viðskiptavinum að vera með ferðatryggingu. 

Veður- og önnur skilyrði
Allar okkar ferðir og útivist eru veðurs- og aðstæðna bundnar og við áskiljum okkur rétt á að breyta ferðatilhögun eða aflýsa ferðinni fyrirvaralaust til að tryggja öryggi viðskiptavina. Breyting á ferðatilhögun veitir viðskiptavini ekki rétt á endurgreiðslu. Viðskiptavinir fá fulla endurgreiðslu ef ferðinni er aflýst. Eins og við vitum, getur veðrið á Íslandi breyst á svipstundu og því eru leiðsögumennirnir okkar sérstaklega þjálfaðir til að takast á við þær breytingar sem verða í veðri og aðstæðum, og þeirra forgangur er að taka ákvarðanir með öryggi ykkar í huga. Vinsamlegast verið meðvituð um þetta og virðið ákvarðanir leiðsögumannsins ykkar. Þetta á þá sérstaklega við vetrarferðirnar okkar.

Áhætta og útivist

Vinsamlegast athugið að allar athafnir eru algjörlega á eigin ábyrgð og gestir/viðskiptavinir þurfa að haga sér á viðeigandi hátt í samræmi við leiðbeiningar Borea. Allri útivist og ævintýraferðum fylgir áhætta og Borea tekur ekki ábyrgð á slysum sem verða að völdum viðskiptavina eða orsakast af þáttum sem eru utan mannlegrar stjórnunar. Með því að bóka þig í ferð hjá okkur samþykkiru þessi skilyrði, skilur afleiðingar þess og tekur ábyrgð á þátttöku þinni í ferðinni. Þú gætir þurft að skrifa undir viðbótarábyrgð, eftir því í hvaða ferð þú bókar þig í.

Áfengi og eiturlyf
Við áskiljum okkur rétt á að neita þeim viðskiptavinum, sem við trúum að séu undir áhrifum áfengis og/eða eiturlyfjum, um þáttöku í dags athöfnum. Í þeim aðstæðum fær viðskiptavinurinn ekki endurgreiðslu. En auðvitað er þér velkomið að fá þér bjór eða glas af víni í kringum varðeldinn og eftir kvöldmatinn.

Búnaður og viðeigandi fatnaður
Við mælum með því að gestir lesi þann búnaðarlista, sem er sérstaklega fyrir þá ferð sem þau eru búin að bóka í, vel og vandlega. Við áskiljum okkur rétt á að neita þeim gestum þáttöku sem eru ekki með
viðeigandi búnað og/eða fatnað, og eru almennt ekki tilbúnir að fara í ferðina. Í þessum tilvikum er ekki veitt nein endurgreiðsla. Við getum þó oftast komið í veg fyrir þessar aðstæður ef að gestir mæta tímanlega í ferðina og þá höfum við tíma til ræða aðra möguleika og finna aðrar lausnir.

Yfirgefa ferð af sjálfsdáðum áður en henni er lokið
Ef að viðskiptavinur ákveður að yfirgefa ferð af sjálfsdáðum áður en henni er lokið, á hann ekki rétt á endurgreiðslu. Ef ástæðan eru meiðsli eða slys, mælum við með því að hafa samband við tryggingafélagið þitt. Endilega láttu okkur vita ef þú vilt að við skrifum bréf til þín tryggingafélags til að styðja mál þitt.

Að vera send/ur heim

Ef að leiðsögumaðurinn sendir viðskiptavin heim áður en ferðin er búin, hefur viðskiptavinurinn ekki rétt á endurgreiðslu ef að ástæðan er eftirfarandi:

  • Fötlun.
  • Skortur á líkamlegri hæfni og/eða getu.
  • Meiðsli, þreyta og/eða lyf sem vantar.
  • Að láta ekki vita af mikilvægum og viðeigandi heilsufarsupplýsingum
  • Óviðeigandi eða vöntun á nauðsynlegum búnaði sem við sköffum ekki.
  • Slæm hegðun, dónaskapur, virðingaleysi eða einelti gagnvart öðrum einstakling.
  • Að fylgja ekki fyrirmælum.

Sú ákvörðun að senda gesti heim er aldrei auðveld fyrir okkur hjá Borea. Það er gert sem síðasta úrræði eða þegar aðstæður eru þannig að það að halda áfram með gestinn mun hafa neikvæð áhrif á ferðina og/eða upplifun hópsins. Leiðsögumennirnir hafa alltaf lokaorðið í þessum aðstæðum. Ef þig vantar fleiri upplýsingar um ferðaskilmálana okkar, vinsamlegast hafðu samband.