Frábær hálfs dags ferð fyrir alla sem langar að upplifa fjallahjólreiðar á fjölbreyttum stígum. Þetta er byrjendavæn ferð með stórkostlegu útsýni yfir fjörðinn. Fáðu að vita meira um sögu bæjarins og lifnaðarhætti frá sjónarhorni heimamanna.
Ísafjörður liggur undir bröttum fjallshlíðum og er því í snjóflóðahættu á veturna.
Vegna þessa, eru stórir veggir á ýmsum stöðum fyrir ofan bæinn, til að verja byggðina fyrir neðan. Yfir sumartímann er það hin mesta skemmtun að skoða varnargarðana á fjallahjólum.
Fjölbreytta umhverfið sem þessi hjólaferð býður upp á, varnargarðarnir, skógurinn og stígarnir hér í kring, gera upplifunina ævintýri líkast. Leiðsögumennirnir okkar munu að sjálfsögðu aðstoða þig með allt sem þú þarft sem og segja þér frá sögum af svæðinu.
Byrjunarstaður: Mávagarður C (grá skemma) nálægt austur höfninni.
Brottför: kl: 13:00. Mæting hálftíma fyrir brottför.
Lágmarksaldur: 12 ára.
Hópastærð: Við þurfum minnst 2 þátttakendur til að geta farið í ferðina. Mest geta 8 manns komið með, en flestar ferðirnar eru með á milli 2-6 þátttakendur.
Erfiðleikastig: Auðvelt/Miðlungs.
Lengd ferðar: 2.5 klukkutími.
Innifalið: Fjallahjól, hjálmur og faglegur leiðsögumaður
Ferðalagið byrjar á bækistöðum okkar, Mávagarði C (grá skemma), þar sem þú hittir leiðsögumanninn þinn og færð þann búnað sem þú þarft fyrir ferðina. Síðan byrjum við að hjóla í átt að fjöllum og fyrstu brekkunni sem leiðir okkur að snjóflóðavarnargörðunum.
Við smeygjum okkur síðan aftur fyrir garðana og hjólum meðfram bakhliðinni, skjótumst svo fram fyrir þá og höldum áfram meðfram fjallsrótinni. Fylgjum einbreiðum stíg í átt að skóginum í Tungudal, þar sem við finnum stórfenglegu ánna og fossinn Buná.
Fyrir glæsilegt útsýni yfir fjörðinn, hjólum við þvert yfir dalinn í átt að síðasta varnargarði ferðarinnar. Það er stutt, en örlítið bratt, klifur upp á garðinn. Mælum mikið með því að kíkja upp og taka inn útsýnið og náttúruna. Eftir þetta verður auðvelt að hjóla til baka í bæinn.
Þessi ferðaáætlun er birt með fyrirvara um breytingar vegna veðurs og/eða aðstæðna. Vegna veðurskilyrða, gæti verið að við snúum ferðinni við og byrjum hana í Hornvík. Við munum gera okkar besta til að sjá til þess að þessi ferð verður að veruleika.
Réttindi og viðurkenningar
Samstarfsaðilar
Skútusiglingar ehf | Aðalstræti 17 | 400 Ísafjörður | Kt. 530306-1510 | VAT Number: 110291
0 m/s
