Á löngum sumarbjörtum kvöldum er fullkomið að koma sér vel fyrir og fylgjast með refunum. Það er refagreni í aðliggjandi dal við gamla húsið okkar á Kvíum og því miklar líkur á að þú munir sjá refi í þessari ferð. Þú gætir meira að segja komið auga á fjöruga yrðlinga að leik í kringum grenið og því tilvalið að grípa tækifærið og ná myndum af þeim í gylltu birtunni frá miðnætursólinni.
Kvíar er gamall sveitabær í mynni Lónafjarðar. Árið 1948 yfirgáfu síðustu ábúendur bæinn með allt sitt búfé. Þar með varð refurinn eina landspendýrið staðsett á Hornströndum. Í yfir 65 ár hefur hann síðan reikað um firðina langt frá mannabyggð ,og allri þeirri truflun sem fylgir manninum, sem hefur mótað hann og gert hann bæði gæfann og leikglaðann.
Næsta hús við Kvíar er í margra kílómetra fjarlægð og eina leiðin til að komast á þennan afskekkta stað er með bát. Á sumrin bjóðum við gestum að gista í þessu stórbrotna og sögufræga húsi. Þar getur fólk notið kyrrðarinnar á stað þar sem náttúran hefur ráðið ríkjum síðustu 65 ár.
Það er einstakt tækifæri að fá að heimsækja Hornstrandir. Að upplifa miðnætursólina í ró og næði, læra um og finna fyrir sögu svæðisins og sjá heimskautarefinn í sínu náttúrulega umhverfi.
Við virðum refinn og gerum okkur grein fyrir að sumrin eru hans tími til að fjölga sér. Þess vegna, göngum við varlega, höldum okkar fjarlægð og fylgjum leiðbeiningum og reglum sem eru gefnar af dýralífs sérfræðingum.
Þessi ferð er mjög sveigjanleg og við bjóðum upp á ýmsar afþreyingar. Fjallganga í kringum Kvíar, með mikilfenglegu og víðáttumiklu útsýni yfir Jökulfirðina, er ein af þeim. Einnig erum við með leiðsagðar ferðir á kajak, sem er frábær leið til að kanna strandlengjuna á þessum afskekkta stað frá öðru sjónarhorni. En ef þig langar hins vegar að koma þér fyrir í grasinu með góða bók, á meðan þú lítur eftir refaferðum, þá er það hið allra besta mál.
Innifalið:
Ekki innifalið:
Erfiðleikastig: Miðlungs.
Dagur 1
Við hittumst á skrifstofunni okkar að Aðalstræti 17 (í miðbænum, aðalgatan) kl 8:00. Þar förum við yfir helstu öryggisatriði, svörum spurningum þínum og gerum okkur klár fyrir brottför. Síðan komum við okkur í bátinn og siglum frá Ísafjarðarhöfn kl: 09:00 í átt að Hornströndum, þar sem við munum vera sett út í Kvíum.
Á leiðinni þangað eru miklar líkur á að við sjáum bæði hvali og allskyns sjófugla. Við gætum þurft að fara með bátnum á fleiri en einn áfangastað áður en við lendum í Kvíum, það fer í rauninni allt eftir bátaáætlun þann daginn. Nýttu tækifærið og spurðu leiðsögumanninn þinn að þeim spurningum sem brenna á þér á meðan þú upplifir meira af Hornströndum.
Húsið í Kvíum mun birtast okkur í fallegu umhverfi rétt fyrir ofan ströndina. Eftir að við erum búin að bera farangurinn upp að húsi, skipið búið að draga upp akkeri og siglir rólega í burtu, færist innri friður og ró yfir hópinn. Það er ólýsanleg tilfinning að finna eins og að öll vandamál og nútíma áreiti sé dregið í burtu með bátnum.
Eftir að við erum búin að koma okkur vel fyrir í Kvíum, búa um rúmin og fá stutta kynningu á Hornströndum, byrjum við gönguna upp Kvíadalinn.
Í göngunni fáum við frábært tækifæri til að upplifa fjölbreytt landslag. Gróskumikið láglendið er algjörlega andstæða hrjóstugs landslagsins þegar ofar er komið. Það er ótrúlegt að hugsa til þess að eitt sinn lá jökull yfir þessu öllu og mótaði svæðið að því sem það er í dag. Útsýnið verður stórfenglegra eftir því sem við hækkum okkur ofar á fjallshryggjunum fyrir ofan firðina. Eftir að við náum okkar hæsta punkti förum við rólega að koma okkur aftur niður, þar sem við fylgjum ám og lækjum á leiðinni niðureftir og njótum þess að skoða fossa.
Við njótum þess að eiga rólega kvöldstund, borðum heimagerðan kvöldmat og slökum á í viðar upphitaðri sánunni.
Dagur 2
Eftir morgunmat örkum við af stað í átt að næsta ævintýri. Venjulega skiptist dagurinn þannig að um morguninn tökum við góða fjallgöngu í nærliggjandi fjöllum og síðan kajakferð inn í Lónafjörðinn seinnipartinn.
Við tökum stutta göngu upp dalinn í átt að fjallsbrúninni, þar sem við fáum víðáttumikið útsýni yfir stórbrotinn Lónafjörðinn. Á meðan við lítum eftir refaferðum getum við fylgst með fuglalífinu allt í kring um okkur. Allt frá algengum sjófuglum, líkt og æðarfuglar og álftir, til tegunda sem sjást sjaldnar eins og haförninn.
Eftir hádegismatinn, höldum við í átt að fjöru. Þar getum við látið reyna á færni okkar á vatninu, ef að veður og aðstæður leyfa. Það er nokkuð auðvelt að róa sjókajak og við munum nota stöðuga og örugga kajaka þannig að þú munir upplifa þægilegan róður. Síðan förum við aftur í Kvíar og borðum góðan kvöldmat. Eftir matinn er svo hægt að skella sér aftur í sánuna.
Planið er mjög sveigjanlegt. Við getum verið í fjallgöngu allan daginn eða tekið heilan dag í að róa kajak um Lónafjörðinn. Endilega láttu okkur vita hvað þig langar að gera!
Dagur 3
Hvað langar þig að gera? Síðasti dagurinn snýst algjörlega um það. Var kajakinn hápunktur ferðarinnar og þér langar að skella þér í smá róður, taka nesti með og sjá hvort þú komir auga á seli skjóta upp kollinum? Eða viltu heldur taka stutta göngu í kyrrðinni, koma svo heim og henda þér í sánuna í síðasta skipti fyrir heimferð? Möguleikarnir eru endalausir!
Báturinn kemur síðan seinnipartinn á milli 5 og 6 og verður mættur við bryggju á Ísafirði á milli 6 og 7 um kvöldið.
Þessi ferðaáætlun er birt með fyrirvara um breytingar vegna veðurs og/eða aðstæðna.
Þessi ferðaáætlun er birt með fyrirvara um breytingar vegna veðurs og/eða aðstæðna. Vegna veðurskilyrða, gæti verið að við snúum ferðinni við og byrjum hana í Hornvík. Við munum gera okkar besta til að sjá til þess að þessi ferð verður að veruleika.
Réttindi og viðurkenningar
Samstarfsaðilar
Skútusiglingar ehf | Aðalstræti 17 | 400 Ísafjörður | Kt. 530306-1510 | VAT Number: 110291
1 m/s
