Grunnavík er á milli Staðarhlíðar og Vébjarnarnúps. Það er einungis 30 mínútna bátsferð til Grunnavíkur ef farið er frá Ísafirði. Þéttbýlt var í Grunnavík á sínum tíma og skilyrði til útgerðar ekki sem verst. Síðustu íbúar í víkinni fluttust burt árið 1962 og skyldu þá Jökulfirðina eftir mannlausa. Grunnavík er fullkominn upphafsstaður fyrir gönguferð um sunnanverða Jökulfirði. Í Sútarabúðum er þjónusta þar sem er hægt að fá gistingu og veitingar.
Aðalvík er einn fallegasti staður friðlandsins á Hornströndum. Gróðurinn er mikill, þrátt fyrir að vera á mjög norðarlegri breiddargráðu, og bæði dalirnir og strendurnar gera Aðalvík að hinu fullkomna umhverfi fyrir útivistarævintýri.
Hesteyri er gáttin inn í friðland Hornstranda fyrir göngufólk. Á Hesteyri er að finna vel viðhaldin og hefðbundin hús frá um 1900 sem eru í reglulegri notkun af eigendum þeirra á sumrin.
Hornvík er sannarlega náttúruparadís fyrir náttúruunnendur. Fuglabjargið í Hælavíkurbjargi og Hornbjargi eru tvö stærstu fuglabjörg í Norður-Atlantshafi, þar sem um 5-6 milljónir sjófulga koma sér fyrir yfir sumrin.
Veiðileysufjörður liggur á milli Hesteyrarfjarðar og Lónafjarðar. Enginn hefur búið í firðinum í meira en 100 ár og eina ummerki um mannabyggð er lár grasbali eftir hvalstöðina á Meleyri.
1 m/s
-3°C