Hesteyri

Á Hesteyri er að finna vel viðhaldin og hefðbundin hús frá um 1900 sem eru í reglulegri notkun af eigendum þeirra á sumrin. Norsk hvalstöð var byggð á Stekkeyri árið 1894 og var í notkun fram að árinu 1915. Stöðinni var síðan breytt til síldarverkunar en hún lagðist af undir lok þriðja áratugsins eftir að síldin hvarf. Stöðin stendur enn og gangan upp að henni er auðveld. Þegar byggðin á Hesteyri var sem sterkust, árið 1941, bjuggu þar 80 manns en þeim fækkaði hratt árin eftir það. Snemma á fimmta áratugnum tóku allir þeir íbúar sem eftir voru þá ákvörðun að flytja burt. Hesteyri er gáttin inn í friðland Hornstranda fyrir göngufólk. Vinsælasta gangan er yfir í Aðalvík og um Kjaransvíkurskarð.