Einstakt hús á einstökum stað
Langar þig að heimsækja Hornstrandir en samt upplifa þægindi og geta gist inni í hlýju?
Langar þig að flýja streitu hversdagsleikans og upplifa kyrrðina, fegurðina og einangrunina sem Hornstrandir hafa upp á að bjóða?
Kvíar voru stórbýli í Kvíadal í mynni Lónafjarðar. Þar bjuggu undir það síðasta tvær fjölskyldur ásamt vinnufólki sem yrkjaði landið og sótti sjóinn. Saga byggðar í dalnum nær aftur til fjórtándu aldar og víða sjást minjar um byggingar seinni tíma í nágrenninu.
Síðustu ábúendurnir yfirgáfu Kvíar árið 1948 og húsið stóð nánast tómt fram til ársins 2012 þegar okkur datt í hug að gaman væri að gera húsið upp og nýta sem miðstöð í allskonar ævintýraferðir bæði sumar og vetur. Eftir mikla og þrotlausa vinnu, var verkinu lokið árið 2016. Húsinu var bjargað frá því að verða rústir einar eins og víða hefur gerst á Hornströndum.
Margir sjálfboðaliðar, vinir og iðnaðarmenn hafa hjálpað við þetta stóra verkefni. Allur viður, sandur og steypa, einangrun, húsgögn og fl. þurfti að ferja yfir á bát, þar sem það eru engar vegasamgöngur. Þetta voru mörg tonn af byggingarefni sem flutt voru yfir þessi 4 ár.
Þjónusta og aðbúnaður í Kvíum
Ekki er hægt að leigja húsið án húsvarðar. Húsvörður sér um að viðhalda húsinu og aðstoðar við notkun hvers kyns hita- eða rafmagnstækja.
Réttindi og viðurkenningar
Samstarfsaðilar
Skútusiglingar ehf | Aðalstræti 17 | 400 Ísafjörður | Kt. 530306-1510 | VAT Number: 110291
5 m/s
13°C
13°C